روائع الفاتح ابراهيم بشير

________________________________________
يا حبيبي انا افتقدتك


انت عارف روحي غيرك لا بتموت لا تبقي حية
يا حبيبي انا افتقدتك لما طال الشوق عليا

يا حليلي انا كنت قايلك من زمان مهتمي بي
في الحزن تحزن معايا ويوم اغيب تسال عليا

باختصار انا كنت دايرك تبقي اقرب مني ليا
انت تاريك بي مشاعرك مستقر فوق الثريا

الصباح الفي عيونك باعني لي مر الاسية
سابني بين شطانو هايم جاري لا عند العشية

انا لاني قادر اقول كفاية لا ني راضي اكون ضحية
المصيبة انا كان بكيت ول جنيت هيه هيه

... كل مصيبتي هويت عيونك في زمن ظالم شوية
يكره الحب والتفاني ويعشق الجفاء والرزية

الطيور وكتين تغني الزهور تصبح ندية
الا عاد كيفن تغني وعينها فوق عين الحدية

... افتقدتك وانت عارف زي يقضي الليل سجية
مستعد ما عندو مانع انو يهدي الروح تحية

لا بهادن لا بسامح لا ببيع ابدا قضية
لو تمر الدنيا فوقو ارتكب مليون جنية

افتقدتك يا مناي يا سعد روحي الشقية
لما فاضت بي همومي والامور لاجت عليا
افتقدتك يا نصيري العزول عاصب عيني
افتقدتك يا صباحي الظلام ضامي العشية
افتقدتك الف مرة لما شمتوا اصحابي فيا

شفت كيف انا افتقدتك قدرة الالم العتية
انت ماك جايب خبيري وما بتفكر تبقي جية

حتي يوم لاقيت صحابك منك اتوقع تحية
الا وا خيبة رجايا ويا حلات الحسرة بيا

صباح النور انشاء الله تجد مشاركتى المتواضعة القبول وارجو افادتى يارايعين عاشق الكمير

حقيقه ياهيثم افتقدنا لمة الفريق

افتقدنا لمة الجبنه كان عن ناس بت يوسف وبت كلوك وبت الحاج وبت مختار وبت حسب الله (( حسب الله مابتاع المزيكا))

افتقدنا لمة العصير فى الترعه والتمرين مولع نار واب قلاقل كابى الجرس ومغلوب(1/0)وحمدان سخانه الحكم

وافتقدنا لمة المسلسل عن ناس عمنا التنقور وبشير ودحمدالنيل والطيب ودالزين

وافتقدنا وافتقدنا ..........................

تقبل افتقادى اقصد مرورى



لى غير حنانكم مابحن ولى وجودكم ما إنتماى