قميرية

قميرية
قمرية قوقت في النخل ساقتني من دنيا البشر
طرتني أيامنا الزمان الرملة والليل والقمر
لمحات من الزمن الجميل قضيتة أيام الصغر
ا ليلة صبحت زكريات غنيتة بي أسفي الوتر
الطيبة والناس الحنان والخضرة لا مدالبصر
والنمة في الليل السكون ورميت جبابيت في البحر
والقهوة في ضل العصير والطير يناضم في الشجر
واللمة في البيت الكبير واللوري جاهم للسفر
والحلة في لحظة وداع في لمحة دمع العين همر
حبوبة والبنوت هناك قامن يلقطن الأتر
والسفرة كانت يا سلام اللوري بالحلال عبر
شقي الفيافي بلا دليل يومين في البندر حضر
ا لزول مكندك بالغبار وباين علي وشو الفتر
وسطر خطابات الوصول وروعة حروفة تقول درر
وجات الرسائل للبلد وفي الرملة أجتمعوا الأسر
هاك يا فلان أقرالي دا وبين كلامو المستتر
أ ما الخطيبة سماح وزوق شالت رسالتة في خفر
ودخلت علي الكن بي بشيش ودمعاته تتقاطر مطر
ياحليلك يا الزمن الجميل وماضي الأماني المعتبر
لحظات من الزمن القبيل مختزلة فينا مدي الدهر
نقعد نقلبة كل حين وكتين يحاصرنا الكدر
الله وكت نلعب شليل الرمي والحراس سدر
ا لجية للطاحونة فوق واقف كبيرنا علي النمر
والنيل مسرسب في الجروف نهواهو في الصفي والعكر
والباخرة ظهرت من هناك وجابو البطينين الخبر
خلق الله نزلت لي تحت في الحلة ما فضل نفر
كانت منافع وأمنيات شاشات مكبرة للثمر
وأشوقنا للماضي الزمان للواطة واللوبي التبر
ا لمنقة الصفا والنخيل وقوقاي قمارية مع السحر
الله من الزمن الضياع ندفع شبابنا دوام مهر
وتلقانا في أخر المطاف نقعد نعاتب في الغدر

ابداع وحكمه وعظه تسلم كثير علي الموضوع الرائع الجميل
مشكور الله يعطيك العافية

عظمة ياجميل . . . . فى انتظار المزيد

Subject: اخي الشايــقي...... ارفــع شلوخــك أنت أمريكي


محمد صالح ود ابحراز... صاحبي وقاعد اريدو واريد ونستو....وزول وناااس.... مشي امريكا جاهو لوتري....وقابلتو في الاجازة...وبعد السلام وحق الله بق الله..... بدات الونسة وقدامنا ترمس شاي سعة اربعتاشر برميل.....نكب في الشاي ونشرب وهو يحكي قال لي..... يا سجيمان اخوي... سافرنا من هنا فينا خمسين شايقي... واتلمينا علي بعضنا هناك...وسكنا في حي واحد.. سميناهو حي اللوتراب...عشان في الشوايقة الما جو باللوتري والزايغين ساكت ديل قاعدين في حي براهو.... سميناهو حي الزايغاب....لكن يا سجيمان لا بيعرسو مننا لا بنعرس منهم.... نحن اللوتراب ديل جننا وجن اللولوة والجهجه...البي يدي بنتو منو لي زايغابي ؟.... نهارة باكر يسفروهو ويسفروها معاهو...مننا ناس يا سجيمان يا مؤمن يا مصدق....مننا ناس سكنو في واشنطون..ديل اسمهم الواشينطوناب...وفي ناس مشو لي عن تكساس ديل التكساساب..وفيهم المشو لي بنسلفينيا... ديل السليفيناب....وناس مشو سان فرانسيسكو...ديل السان فسواب.....اما الكنداب ديك مرقو من امريكا ومشو كندا...علا ديل قلال ما هم كتار.....
قال لي كب اشرب شاي يا سيجمان قلت لو لي حسي يا زول شارب لي خمسة كبابي.... عاين لي وضحك وقال لي لا لا اصلك شربت ستة كبابي.....انت طمستك دي ما بتخليها؟....
سمعني شريط كاسيت اول ما دخلو قال لي اسمع الزول دا...دا فنان هناك علا زايغابي... الله يصرفو....وبدا الشريط

قامو زيارة لي تكساس

...... يا ناس

اتعبوني....... خلاس

قال لي عارف المطرطش دا يا سجيمان كان داير لو بنت من بناتنا اللوتريات...وقدر ما جرا وراها ابت تب تجيب خبرو...يا زول البتعرس لها زايغابي منو؟......مسوي لها الغنية دي وقت سافرت تزور خالتا معرسا واحد من التكساساب
اها...... نحن حسي فينا ناس مقدمين للجنسية الامريكية.... علا يا سجيمان اخوي الشلوخ....باقي لنا مشكلة.... الامريكان قالو شلوخنا الراقدة دي علا نوقفاعلي حيلا حتين يدونا الجنسية....اها شيخ اللوتراب... مسوي حملة توعية... ومسوي شعارا.... اخي الشايقي ارفع شلوخك انت امريكي.













Subject: اخي الشايــقي...... ارفــع شلوخــك أنت أمريكي


محمد صالح ود ابحراز... صاحبي وقاعد اريدو واريد ونستو....وزول وناااس.... مشي امريكا جاهو لوتري....وقابلتو في الاجازة...وبعد السلام وحق الله بق الله..... بدات الونسة وقدامنا ترمس شاي سعة اربعتاشر برميل.....نكب في الشاي ونشرب وهو يحكي قال لي..... يا سجيمان اخوي... سافرنا من هنا فينا خمسين شايقي... واتلمينا علي بعضنا هناك...وسكنا في حي واحد.. سميناهو حي اللوتراب...عشان في الشوايقة الما جو باللوتري والزايغين ساكت ديل قاعدين في حي براهو.... سميناهو حي الزايغاب....لكن يا سجيمان لا بيعرسو مننا لا بنعرس منهم.... نحن اللوتراب ديل جننا وجن اللولوة والجهجه...البي يدي بنتو منو لي زايغابي ؟.... نهارة باكر يسفروهو ويسفروها معاهو...مننا ناس يا سجيمان يا مؤمن يا مصدق....مننا ناس سكنو في واشنطون..ديل اسمهم الواشينطوناب...وفي ناس مشو لي عن تكساس ديل التكساساب..وفيهم المشو لي بنسلفينيا... ديل السليفيناب....وناس مشو سان فرانسيسكو...ديل السان فسواب.....اما الكنداب ديك مرقو من امريكا ومشو كندا...علا ديل قلال ما هم كتار.....
قال لي كب اشرب شاي يا سيجمان قلت لو لي حسي يا زول شارب لي خمسة كبابي.... عاين لي وضحك وقال لي لا لا اصلك شربت ستة كبابي.....انت طمستك دي ما بتخليها؟....
سمعني شريط كاسيت اول ما دخلو قال لي اسمع الزول دا...دا فنان هناك علا زايغابي... الله يصرفو....وبدا الشريط

قامو زيارة لي تكساس

...... يا ناس

اتعبوني....... خلاس

قال لي عارف المطرطش دا يا سجيمان كان داير لو بنت من بناتنا اللوتريات...وقدر ما جرا وراها ابت تب تجيب خبرو...يا زول البتعرس لها زايغابي منو؟......مسوي لها الغنية دي وقت سافرت تزور خالتا معرسا واحد من التكساساب
اها...... نحن حسي فينا ناس مقدمين للجنسية الامريكية.... علا يا سجيمان اخوي الشلوخ....باقي لنا مشكلة.... الامريكان قالو شلوخنا الراقدة دي علا نوقفاعلي حيلا حتين يدونا الجنسية....اها شيخ اللوتراب... مسوي حملة توعية... ومسوي شعارا.... اخي الشايقي ارفع شلوخك انت امريكي.

[i]مساهمة من صاحبنا شايقى

نحى فيك الخيال الخصب نتمنى ان تعطرو المنتى بالمذيد من المشاركات يا كميراب