طبول الشوق خالد الباشا

طبول الشوق

ناديت عليك
ياتومتي بيك عايش أنا
يرجع يجيني من الجبل
صوتي وكأني براي أنا
فتًرني ابو التيً تيً خلاص
واضناني مشوار السنا
حيًرني حبك واليباس
كيفن بلا المويه المني
يمرق يشيل تمر الحواس
يطربنا كيف صوت الدباس
ترقص قلوبنا بلا غنا

فتشًت فيك ضلً الضحي
وجمًة خطايا من الهجير
فتًرني ياساقية جحا
ساساقي بينك والحفير
لا اتًبل ريقي ولا صحي
فيك يا غماماتي الضمير

فكًرت فيك
طول ليلي فيك
وكتبت فيك لامن عجز
واحترت فيك
بين حب متكًنو فيني بين
مويتك ابت .. تصل التقانت أو تنز
كل الحواس الفيني ترسم انسجام
إلا الغرام
من دون حوًاسي حزين يشذ
ما بين هواي وهواك
برد طوبة وتريتي الغاتسي يا
غيمة ابت تغسل جفاف شوقي وتعز

مرات كتير احقب غناي وعقاب هواي
مهزوم أفًز

ادًيك قفاي اسمع وراي
لسًع طبول شوقك ترًز
ارجع واجيك ياشوق اجيك
اعرض وسط دارتك واهًز