منتدي الكمير آدم
زائرنا الكريم اهلا ومرحب بيك في منتدي الكمير ادم
فخر الدين الفاضل
المدير العام

منتدي الكمير آدم

منتدي يهدف لخلق الصلاة الطيبة وتواصل الاجيال وتبادل الاراء
 
الرئيسيةالبوابةبحـثالتسجيلدخول
عيد سعيد وكل سنة وانتم طيبين
الي جميع اهلي بالكمير ادم الحبيبة داخل وخارج الوطن الكبير ندعوكم للتواصل عبر هذا المنتدي تواصلا للاجيال واسترجاعا لسالفات الايام في قريتنا الحبيبة
نرحب بالاعضاء الجدد بسمه و طرف السقيدو ياسر النور و ابواحمد وام احمد واحمد والراعي الواعي
المواضيع الأخيرة
» إياك وركوب بحر التمني
الجمعة أبريل 18, 2014 5:09 pm من طرف محمد عمر الصديق

» أيها العبد العاصي عد إلى مولاك .. أيها العبد الغافل عد إلى مولاك
الجمعة أبريل 18, 2014 5:03 pm من طرف محمد عمر الصديق

» إذن .... دخول
الجمعة أبريل 18, 2014 4:43 pm من طرف محمد عمر الصديق

»  اكبر مكتبة اغاني سودانية (حديثة و قديمة ) + مدائح نبوية
الخميس مارس 15, 2012 12:28 am من طرف malashay

» اجمل 7 عبارات للحب
الخميس يناير 19, 2012 3:21 pm من طرف مناهل قرشي

» البوش السوداني
الخميس يناير 19, 2012 3:16 pm من طرف مناهل قرشي

» سامحني واصفح ياحبيب علاء الدين ابوسير
الخميس يناير 19, 2012 2:37 pm من طرف مناهل قرشي

» مسداااااااااااااااااااااااااااااااااااااااااار
الخميس يناير 19, 2012 2:32 pm من طرف مناهل قرشي

» السلام عليكم ورحمة الله وبركاته
الإثنين يوليو 25, 2011 10:01 pm من طرف النقر

بحـث
 
 

نتائج البحث
 
Rechercher بحث متقدم
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية digg  تسجيل صفحاتك المفضلة في مواقع خارجية slashdot  تسجيل صفحاتك المفضلة في مواقع خارجية yahoo  

قم بحفض و مشاطرة الرابط منتدي الكمير ادم على موقع حفض الصفحات
أخبار الكمير
الخميس ديسمبر 09, 2010 7:56 pm من طرف طرف السقيد
وين اخبار الكمير يااولاد الكمير؟؟
نحنا بعيدين وعايزين اخبار وشمارات الكمير
ممكن ؟؟
ولا ناكل باسته؟؟؟


تعاليق: 4
الموهبة الضائعة ...
الجمعة مايو 28, 2010 10:33 am من طرف محمد الفاتح سعيد
كان أنيقاً للغاية، يشهد له الجميع بالذوق والرقيّ في التعامل.

وذات يوم وقف ليشتري بعض الخضروات من المحل الموجود في واجهة منزله، أعطته البائعة العجوز أغراضه وتناولت منه ورقة من فئة العشرين دولاراً ووضعتها في كيس النقود.. …

[ قراءة كاملة ]
تعاليق: 4
موضوعك الأول
الخميس مايو 27, 2010 9:56 am من طرف fakhryfadil
مرحبا بك أيها العضو الكريم في منتداك الخاص وهنيئاً لك بانضمامك إلى عائلة الكمير آدم

تعاليق: 6
بطاقة دعوة
الأربعاء يونيو 16, 2010 12:46 pm من طرف يوسف النور
سوف تكون هناك جلسة أسرية لكل أبناء جمعية الكمير آدم يوم الجمعة الموافق 18/6/2010 بمنتزه المقرن العائلى بالخرطوم الساعة السابعة مساءاً وبهذا يدعوكم السيد/ عبد القادر محمد احمد (الحاج) رئيس الجمعية للحضور

تعاليق: 2
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 15 بتاريخ الجمعة أغسطس 09, 2013 11:45 pm

شاطر | 
 

 مسدار الصيد ابوسن

اذهب الى الأسفل 
كاتب الموضوعرسالة
الراعى الواعى



عدد المساهمات : 60
تاريخ التسجيل : 23/11/2010
العمر : 38
الموقع : الكميرادم

مُساهمةموضوع: مسدار الصيد ابوسن   الأربعاء مارس 02, 2011 9:08 pm

" مسدار الصيد "
للشاعر الفحل الحاردلو
(أحمد عوض الكريم أبو سن)

الشم خوخت بردن ليالي الحرة
والبراق برق من منا جاب القرة
شوف عيني الصقير بي جناحو كفت الفرة
تلقاها ام خدود الليلة مرقت بره

تعرف لي مشاهد الرقاد والفرة
فلاخ المصب بيه بتبين تِتْورَّا
فوق حيا فوق محل من الصعيد منجرة
شاحد الله الكريم ما تلقي فيه مضرة

أب عراق فتق قرنو المبادر شرا
الباشندي عمت مهشيشب الدرة
من النقرة كل حين فوق عيلو منصرة
ها الايام محاريها القليعة ام غرة

قدمت من هنا وبي أضانا سمعت كرَّة
فوق كرتوت شخيتيراً تِخَيِّن خرَّ
قلاتو الوهاط بي لشغة قبل ام حرَّة
يا باسط النعم تسقيها في ها المرَّة

بت المن قرين مرقن على الجبال
في بية وبلوس ما برجن الوبال
صفراً درعتن تدلى لا البهال
وبيضة شاش قرابيبن تريع البال

مرقن يامجيب لي جملة السعال
شاحدك تجمعن من مطبق الحلال
ما ينقص حساب الدرج ولو بي عجال
ونحن نجيب لهن في كل يوم منوال

من بيلا الصباح اتسربقن همال
والدوف فوق حقايبهن كترته جمال
الخور العطيش بلدا عزاز ورمال
ومدروك ما هو من حر النهار بكمال

عقبن ود دعول بجرن شفاقة عدال
ختمن مقرح الحربة الجبالو طوال
قلت امات قرود وردنة بالقبال
خِلَقاً كيف برمولن دمير حبال؟

من امات رميلة متركشات لا شمال
سمعن هدري لا قدام كرير واضلال
اشرحط بريقن لاح يشيل ولوال
وتيسن زاعلن باكر مع الشهلال

خلاهن رتوع في بقيل وخرجة نال
لامن دور الوادي السِّري سيال
فوق قمزوز طلع شاف في ملينتو زوال
وقلعة كو حفيرها لقالو فيها نعال

مطامنات هناك لام نهارن زال
وشرفن كلهن شمن دعاش اتعال
مابيات البلد دايرات حقو السروال
وصفاً متع الغناي قدر ما قال

في عاقب نهار سونلهن مرحال
وعينيهن خلقهن زرق بلا كحال
من ريح الحويل بقين دحين في حال
وديل ليمن على الناس المتلنا محال

جاهن منقلب وقتاً عصير وشفاف
وكاسب ليلو بيهن من صدف ماخاف
ديل الطبعهن دايم الأبد عياف
وفي نايط السروج لقين بقيلاً جاف

حجار المزار المن بعيد بنشاف
جرَّن فوقو اللي التعفر عاف
من عند المضيق مرقن هناك بسناف
ديل قسين على القوي والمتلنا ضعاف

لونن من بعيد متل البليلي نضاف
حُرْد ومعصرات من شبة الأكتاف
لي الناس البغنولن يجروا القاف
ماليات الخشم من كامل الأوصاف

اتنفضن من الغبش اب صهيب ناموس
وجن بين القصيرة وبين فريع قلبوس
سدر المرمي لقين رده مو مانوس
وطاحن من حقيقيصو المعيز ارموس

خلالهن على حجر الصفية حبوس
ولقى في الدهسريب قمبار وعرق فقوس
في المخلوقة شن تشبه معيز ام روس
غير الفي وريدن شولقن مرصوص

تيسن لي مراتيعن تملي بكوس
وديمة بقِلْ على البرق البشيل حرقوص
كم زولاً رقد فوق دربهن ممغوس
ومنو اتخلسن ما صيدن جاموس

قامن منهن اتنين مضاكرة تيوس
ولقين في السمير ختاً وجيع مكبوس
دمجاً أزرق مشاهدو مو معفوص
وخَّرَن منو في الميع المقامو البوص

أخدن فيه سبوع دورين حسابن تام
من أوديد بزاول شرفهن قدام
طلعن قوز كديس جاهن سقيط نمنام
وصلن حد بطانة مركز العدام

الهبريم طلع جاب الميع حوام
من شهر النفاس فضلن لهن أيام
انقلبن على القوز المقامو تمام
لونن بشبه البفت الجديد والخام

ديل الطبعهن دايماً خفاف وهمام
وفي سمير ودحريري مضقلات كل عام
قربن لي مواليد الرخيص وبعام
ومن عين البعاين سورة الأنعام

نون بالنجيع يا سابل الأكمام
اسبل سترك السابل على النيام
تيسن جك مغرب وبي الملاين حام
وجاهن وعافطنو وحيل سدوهن قام

من دعت السراويل قبلن دارتان
علي العشنوق لقن زوزاي وبي فارات
عسكر خاف عليهن في ضرا ميعات
وجاهن زاعلن بعد النهار ما فات

ختمن شابلك العارق التلات شدرات
مرقن فوق عزاز حمريبة ام سوبات
داشن لي الصباح ما لقنلهن مرحات
لامن لينن باكر على الطلحات

خلاهن على رد الفروخ بايتان
وفي المكفي الورى ام ميمون لقى ختيتات
متماسك سدوهن وبي الحدوب شاتات
وجاهن وعافطنو وجنو منحتات

ديل الديمة من رد الأنيس ناجعات
وكل حين فوق عليون نابي منجمعات
تيسن دور الوادي الورا القلعات
ضمر خلقة مو من قل المعاش ضايعات

خلاهن علي رد الدموكيات
قلع الفار سليباتو اتلقن باردات
قربن حضرنبو ولي النفاس دانيات
وفي دردور شدير ومعاه حمريبات

انحلن جناهن في ضرا نالات
لامن رضعنو وجف من السبيات
كم فوقن دقوناً ولفن قافات
وقالن دوبا ليهن والزمان الفات

الحي في الوجود والقالو قبلنا مات
كله بلاهي بي لهج الطريفيات
شن ما قلنا فوق دغس العيون ساويات
قبلي ود ابشوارب جابلهن نمات

يا باسط الأراضي والسبع سماوات
كل البدبي فوقن حافي وابنعلات
دغس العين تنجيهن من الآفات
لامن وخرن بيلا المعيز جامعات

مرقن من مطيبقات الخوي اب دنان
وهكعن فوق معالق الوادي ابو ريحان
شافن في السمير زولة وحيامت انسان
ونطحن ها القليع المسمى بالنسوان

وكت ادردقن بي مطبق الوديان
كلبي الشارعو فيهن جا منقلب هقلان
واتحير قعد ساكت بقيت محنان
يكتب لي لماهن ربنا المنان

تيسن جا منقلب من الرحيح ضبلان
من قفر بلداً بعيد قسيان
اب سعنة الرشيد لقينو خورو ملان
بتفلَّت علي نعناعو ليهو زمان

من الفجخا هبر خلالهن
لامن دور امات رميلة وجاهن
عند المتنا في عاقباً جديد لماهن
ختمن بيلة، فوق قلع البقر دلاهن

المعزة البجازن ديمة فوق في خلاهن
بالغات النصاب انصاري ما زكاهن
من ود البصير جايب اذن بي غناهن
شوفن يالزبير في لساني كيف محلاهن

من عوج الوقت ما بتركن وانساهن
فوق حيا فوق محل دايماً بجرو غناهن
ناس ابن الذريح ضربو المثل بي جناهن
ومن كل السوام سيدي الحسن يبراهن

قطعن ود دعول وادن قليعو قفاهن
جفلن من زوال شوفاً بعيد باداهن
ملزوم بي مراتيعن وخبرة ماهن
وصلنو المصب واتوكرن في ضراهن
الرجوع الى أعلى الصفحة اذهب الى الأسفل
 
مسدار الصيد ابوسن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الكمير آدم :: الكمير ادم :: منتدي الادب والشعر والغناء-
انتقل الى: