راكوبة الحلب

تعالوا أقعدوا جنبى
انا ماحلبى
لكن بشبه الحلب
طبعا شكلا وليس طبعا
ابدا ليكم من وين؟؟؟؟
بداية السبعينات
الكمير كانت قريه صغيره جزارتها او جزاراتاها الاثنتين واحده ليعقوب عبدالله والتانيه للطيب كلوك عليه الرحمه كانتا تقريبا فى موقع بيت الخزين يوسف او امامه بشويه وكان الضبح يوم الجمعه والتلاتا فقط
المويه كانت للغسيل من الترعه او الجدول وموية الشراب من بير المكاشفى الموجود فى موقع بيت اولاد التوم فتح الرحمن وعطا وكان المويه كانت مابتطلع الا بالدلو نشل بالحبل لامن يديك تتظلط ماكان فى لا ماسورة لاموتور والحمام بالطشت حى ووب
لكن والله يااولادى لقيتوها شوفو النعمه الانتو فيها دى......ونواصل......

طبعا قبل سنة 1971 ماكان فى مدرسه فى الحله الاولاد بقروا فى الكمير الورانى وقبلها كانو بقرو فى السوريبه اما البنات كانو بقرو فى ودحميدان ولا درويش ماعارف بالضبط لكن كان الترحيل بتاعهم بباص الزين
كما قلت الحلة كانت صغيره لكن فيها نادى زيو قليل فى المنطقه وكان فى مكان بيت اولاد كمل
ماكان فى كهرباء طبعا ولا جامع

يااخوانا والله العظيم الحلة مايعرف غلاتا الا الفارق الى المنافى الاختياريه او الاجباريه
ولكنها تظل دوما فى الخاطر
النادى
الميدان
الترعه
الحواشات
الكشتينه وقعدتا
حاجات كتيرة فى الخاطر
اتمنى مشاركتكم
المنتدى فاضى
وهذا الفراغ هو الموت البطى لاى منتدى
اتمنى ان لا تتسببو فى موت منتداكم ايها الغاليين

رحم الله اخونا عبدالرحمن احمد عبدالقادر (زمبه ) ودابزرندى
والعزاء فيه موصول لوالدهاحمد عبد القادر ولاعمامه عبدالله ودالبركه وعبدالباقى ولاخوانه عبدو وقزافى ولاولاده وجميع اهل الكمير
اسال الله ان يرحمه رحمة واسعه ويغفر له ماتقدم وماتاخر من ذنبه

رحم الله العم عبدالرحمن احمد الزمبه والعمه فاطمه يوسف الزين وادخلهما فسيح جناته مع الانبياء و الصديقين والشهداء

وحسن اولئك رفيقا والهم زويهم الصبر والسلوان

الراعى الواعى كتب:

رحم الله العم عبدالرحمن احمد الزمبه والعمه فاطمه يوسف الزين وادخلهما فسيح جناته مع الانبياء و الصديقين والشهداء

وحسن اولئك رفيقا والهم زويهم الصبر والسلوان

اخى الراعى واعى
لك الود كله واشكرك على تفضلك بالمرور
ورحم الله الخالة فاطنه بت ودالزين كما كان يحلو لنا ان نسميها رحمه واسعه
اللهم اجعل قبرها روضة من رياض الجنه والهم ابنائها واهلها الصبر والسلوان
العزاء موصول لعمنا احمد عبدالرسول والعم الطيب ود الزين وابنائها البدرى والفاضل وعمر وكل آل ودالزين
والعزاء موصول لكل اهل الكمير عموم

الراعى الواعى كتب:

رحم الله العم عبدالرحمن احمد الزمبه والعمه فاطمه يوسف الزين وادخلهما فسيح جناته مع الانبياء و الصديقين والشهداء

وحسن اولئك رفيقا والهم زويهم الصبر والسلوان

اخى الراعى واعى
خطرت لى خاطره بعد ان حمل لى الناعى فى المنافى وفى غضون اقل من اسبوعين والقريه تفجع بثلاث وفيات (هذا امر الله ولا راد لقضائه)
بعد ان استغفرت الله تمنيت ان يكون الخبر الذى وصلنى اليوم اخر احزاننا قريبا
تأملت المقبره ب 17 فرايت ان الناس كلهم ماتوا(قربت تصل انقاية الشارع)
وقفت قبل شهر متاملا وقلت اين سيكون قبرى ولا ادرى لان العلم عند الله هذا ان لم يصلكم خبرنا وندفن فى منافينا التى اخترناها او اجبرنا عليها
ناس عزاز علينا سكنو 17 ورايت كثافه الشجر فوق القبور ولا ادرى ان كان يليق بنا ان نجعل من مقابر احبابنا غابه(أسألوا لنا أهل العلم)

ربنا يجيبك لينا بالسلامه ونرجع نشرب الجبنه تحت شجره حبوبه وبالجد كلنا فاقدنك وراجين جيتك

طرف السقيد كتب:

الراعى الواعى كتب:

رحم الله العم عبدالرحمن احمد الزمبه والعمه فاطمه يوسف الزين وادخلهما فسيح جناته مع الانبياء و الصديقين والشهداء

وحسن اولئك رفيقا والهم زويهم الصبر والسلوان

اخى الراعى واعى
خطرت لى خاطره بعد ان حمل لى الناعى فى المنافى وفى غضون اقل من اسبوعين والقريه تفجع بثلاث وفيات (هذا امر الله ولا راد لقضائه)
بعد ان استغفرت الله تمنيت ان يكون الخبر الذى وصلنى اليوم اخر احزاننا قريبا
تأملت المقبره ب 17 فرايت ان الناس كلهم ماتوا(قربت تصل انقاية الشارع)
وقفت قبل شهر متاملا وقلت اين سيكون قبرى ولا ادرى لان العلم عند الله هذا ان لم يصلكم خبرنا وندفن فى منافينا التى اخترناها او اجبرنا عليها
ناس عزاز علينا سكنو 17 ورايت كثافه الشجر فوق القبور ولا ادرى ان كان يليق بنا ان نجعل من مقابر احبابنا غابه(أسألوا لنا أهل العلم)

ربنا اطول في عمرك وترجع سالم وغانم
انشاء الله يارب تربيهم وتربي اولادهم

اها ياناس الجمعيه الخيريه كلام طرف السقيد دا واضح وصريح ابدو في نظافة المقابر وخلو موتانا (عليهم رحمة الله) اكونو في مكان نظيف
تقبل مروري

محمد عبد المنعم كتب:

ربنا يجيبك لينا بالسلامه ونرجع نشرب الجبنه تحت شجره حبوبه وبالجد كلنا فاقدنك وراجين جيتك

يامحمد انت دائرنا نبكي في البلد المافيها حنان دي
ولآ دائر تجيب ابوك راجع
لك التحيه محمد وانشاء الله حتشرب الجبنه مع والدك وفي الشجره بس قول يارب




تقبل مروري السريع